Ракување со готовина

Во Dynamics NAV 2017 постои можност за увезување на изводи од банка од електронските фајлови испратени од страна на Вашата банка во ISO20022/SEPA формат – или со употреба на Сервисот за конвертирање на банкарски податоци за останатите типови на фајлови.

Порамнувањето на изводот од банка се прави за да се „затворат“ сите отворени книжени ставки на банкарските сметки и да се води трага на сите прокнижени изводи на сметките од банка.

Порамнување на плаќањата може да се направи исто така и преку Дневникот за порамнување на плаќањата, каде што во еден чекор се комплетираат и книжат плаќањата и истовремено се прави порамнување на истите. Сега сите уплати од купувачи, плаќања кон добавувачи и останати банкарски трансакции може да се поврзуваат преку Дневникот за порамнување на плаќањата.

Исто така, може да се прави филтрирање за да се прикажат само одредени трансакции кои се важни, додека другите трансакции остануваат скриени.

Постои можност да се видат сумарни податоци за банкарските изводи, а со повлекување надолу да се видат и деталите за одредено порамнување доколку има потреба. Пред да се прокнижи порамнувањето, може да се испечати состојбата за верификација, или да се генерира тест извештај.