Во професијата сум повеќе од 40 години

Месарата ја отворив во 1993 година. Со овој занает сум повеќе од 40 години и продаваме само свежо месо. Изработуваме и свежи колбаси од чисто месо без додатоци или конзерванси. Правиме неколку видови. Најнов производ ни се димените колбаси.

За да ја подобрам продажбата на месото и да отворам нов пазар, во 2008ма отворив и кебапчилница. Во кебапчилницата ги спремаме сите видови месо на скара што ги има месарницата. Таа се наоѓа веднаш до месарата.

Наши гости ни се претежно надвор од Нов Дојран. Имаме од Струмица, Гевгелија и околните места. Од Скопје имаме доста гости - можеби највеќе. Доаѓаат и гости од Грција на салати, пиење и скара.

Освен некои мои пријатели кои доаѓаат секој ден на чоканче ракија и салата, немам многу муштерии од Дојран. Тие повеќе сакаат смрзнато месо што го набавуваат од локалните маркети. 😀

Во бизнисот се соочуваме со сите проблеми што ги имаат малите бизниси во малите места. Малите бизниси, посебно во малите места се многу зависни од националната и локалната економија - и секако од потезите во политиката. Секој застој и потрес во економијата директно го чувствуваме во нашето работење.

Бизнис совет:

Кога отворате бизнис, мислите на пазарот. Ако пазарот е мал, тогаш можете да се доведете во проблеми ако економијата не се развива.

Лево: пафлак и колбас, Десно: свежа дојранска белвица

За ТОБЕ-ПРОМ

Месарата и кебапчилницата се наоѓаат на влезот од Нов Дојран, на левата страна 50 метри после бензинската пумпа на Макпетрол.

Томе Коцаров

Facebook: Tome Kocarov

#МојатаРабота #БизнисСовет #БизнисПриказна #Стратегија #Менаџмент #ERP