Скопје, 05.01.2024. Денес Логин Системи, провајдерот на сметководствено-финансиски и ЕРП решенија и услуги, ја информира јавноста дека Microsoft го одобри и сертифицира македонскиот превод на Логин Системи за неговиот најпопуларен ЕРП систем - Microsoft Dynamics 365 Business Central.
Преводот на Логин Системи веќе е поставен на веб сајтот на Microsoft наменет за набавка на апликации, Microsoft AppSource, и може да се најде под називот LSM Macedonian Language for Dynamics 365 Business Central. Повеќе информации за преводот како и начини на симнување и користење има на адресата Business Apps – Microsoft AppSource.
„Македонскиот превод за Business Central е првото и есенцијално решение на Логин Системи за Business Central.“ изјави Венко Глигоров, управител на Логин Системи. „Следуваат сертифицирања на неколку апликации на Логин Системи кои го прилагодуваат Business Central за македонските корисници и/или ги подобруваат способностите на Business Central за одредени области како малопродажбата, дистрибуцијата, услужните дејности и сервисот.“
Со оваа сертификација, македонскиот превод LSM Macedonian Language for Business Central е расположив да се користи и за двете верзии, Business Central Online (клауд верзија) и Business Central OnPrem (верзија за сопствен или хостиран сервер).
Кратенката LSM е резервирана за апликациите на Логин Системи што ќе се публикуваат на пазарот за апликации на Microsoft.
...
Microsoft Dynamics 365 Business Central е интегриран сметководствен и деловен софтверски систем кој ги задоволува потребите на успешните мали и средни претпријатија во Европа и светот. Овој систем е продолжение на успешните бизнис пакети на Microsoft - Navision и Dynamics NAV.
Во Македонија и регионот Логин Системи (www.loginsystems.biz) има десетици успешни имплементации на деловни системи кои користат Navision, Dynamics NAV и Dynamics 365 Business Central. Овој сегмент во работењето на Логин Системи започнува во 2002 година.
Ако ве интересира дополнително, закажете бесплатна консултација 👇👇👇
Comments