Скопје, 15.08.2024. Денес, Логин Системи објавува дека изработи функционалност за печатење на фискални сметки со Business Central за Македонија. Оваа функционалност е расположива и за двете едиции на Business Central, едната е клауд (анг. Online или Cloud), а другата е едиција за сопствен сервер (анг. OnPremises). Функционалноста работи за најновата верзија на Business Central 24 или уште наречена Business Central 2024 wave 1.
Печатењето на фискални сметки во Македонија е проблематично бидејќи фискалните каси кои ги нудат најраспространетите македонски провајдери на фискални апарати работат со застарен метод за комуникација со компјутерите, преку EXE програми кои се изведуваат како ДОС команди и користат нестандардизирани текстуални датотеки. Дополнително, кириличната поддршка е застапена со Windows 1251 но не и UTF форматот на текстуалните фајлови (UTF е стандарден формат за новите апликации).
Новите клауд верзии на современите деловно-сметководствени програми, уште наречени ERP системи) се користат од различни уреди и оперативни системи кај кои нема Windows.
„Функционалноста ја направиме да биде надградлива со други команди за кои ќе се утврди дека има потреба во текот на користењето на Business Central.“ изјави Венко Глигоров, главен консултант во Логин Системи. „При тоа, наместо програмирање ќе се користи конфигурирање во Business Central“
Преку надградливоста, корисниците на Business Central ќе можат да ставаат нови команди и да одредуваат нивен редослед на прикажување во менито на Business Central. Исто така функционалноста овозможува да се ставаат различни модели на фискални апарати, па дури и апарати од други производители.
Функционалноста за печатење на фискални сметки директно од Business Central е дел од модулот за малопродажно работење на Логин Системи. Повеќе информации за Business Central има на линкот https://www.loginsystems.biz/bc.
Microsoft Dynamics 365 Business Central е интегриран сметководствен и деловен софтверски систем кој ги задоволува потребите на успешните мали и средни претпријатија во Европа и светот. Овој систем е продолжение на успешните бизнис пакети на Microsoft - Navision и Dynamics NAV.
Во Македонија и регионот Логин Системи (www.loginsystems.biz) има десетици успешни имплементации на деловни системи кои користат Navision, Dynamics NAV и Dynamics 365 Business Central. Овој сегмент во работењето на Логин Системи започнува во 2002 година.
Comments